وفجأه بيسوع واقف باصص فى عنيا
من وسط بنات اورشليم من حواليا
لبسنى توب ابيض و مسك بايديا
قومى يا حبيبتى يا اميرتى تعالى
تهت جوه بحر خوفى نكرانى مرر ليا جوفى
احساسى بعارى زودلى مرارى ازاى شكى ضلم نهارى
من بعدما دُقت غناه و حلاوة العشره معاه
ده مين غيره يقبل قلبى من بعدما ضعفى ملاه
و فجأه بيسوع فاتح حضنه ليا
من وسط بكايا طيب دمع عينيا
و بصوته الطيب قالى غالى عليا
انت ابنى و حبيبى قوم وتعالى
بنشوف من القبر كل سنه نور فيه إعلان غلبته على الموت
خد عار العالم كله و قام و بيّن مجده لكل العيان
ايماننا بيه حياه يرفعنا معاه لسماه
ده مفيش غير بس يسوع قادر يخلصنا بدماه
عايشين نستنى الهنا من تانى
بقلوب مرفوعه بتغنيله اغانى
و رجائنا فينا ثابت عالى
امين بنصلي يا رب تعالي
